 | LSC: cumintzare est giai cosa bona |
 Anonimo ha scritto: "Delibara nummaru seighi de su degheotto de abrile 'e s'annu currente. Bahh ... cosa 'ona ? no' nd'isco ! ...diat puru daresi, bidu chi est sa primma 'olta chi calchi cosa ( ... est su casu e narrere chi "s'ispregnat" ) torrat a logu in sardu.
Bivvimus un'imbiada de su faeddu nostru postu a pinna; e custu pro dare proa chi su SARDU est una limba cunfolme a sa lezze chi hamus chelfidu posche 'e annos e annorias lassada solu a su cuntrestu 'e nois matessis. Lezze, si dia pode narrere, de sos tempos peldidos.
In donzi manera, cominzare est ghjà bona cosa. Como mi pregunto: ma cantu tempus b'hada a cherrere a che la tragare 'asie comente si pensat de li dare 'essu in su 'e l'iscriere e cantu b'hamus a leare abbessiu in su 'e la lezzere !?! Cantu l'amus a istroppiare e cantu l'hamus a isbroddhigare cunfrontendhechela cun sos faeddhos variados chi semus fittianamente abbessiados a trattare !?! Cal'est su limbazzu 'justu ch'appo a coiuare cun su chi sero 'e narrere e chi so abbessiadu a bogare in cuntrestos e cant'atteru !?! E in cantos nos hamus a cumprendere in su 'e lezzere posche 'e aere iscrittu a sa manera 'e sempre in su logu 'e naschida o chi semus bivvidos pro annos ?!?
Penso chi b'ada a cherrere medas annos primmu de nde ogare a pizzu unu faeddu connoschidu dae cabu e subra a cabu de ghjosso e chi nos potet connosche' paris in su limbazzu nadu e iscrittu.
Eo penso chi oe semus in pagos a faghe fronte a su 'e nos cumprendere cando abboiamus in matessis cunfrontos de vida 'e 'onzi die. A mancus de nos incadrabuliare in peraulas italianas bogadas polcheddhinas ( custu si .) in unu 'essu e sardu !?!
Creo però chi unu logu b'appede ue si semeneda limbazzos de 'onzi manera: son sos medas cuncursos de poesia e de litteradura sarda. In cue b'ada unu misciamureddu de limbazzos de d'onzi zenia; e penso chi in custu momenteu podet esse' su fraile 'onu de unu cunfrontu dae ue podet bessire calchi cosa 'e 'onu. Cue donz'unu chircat de faghe' cumprendere pro iscrittu su chi cheret narrere in d'unu limbazzu chi torrat sempre pius noale e cumpletu de sas peraulas chi, in sas faeddadas de d'onzi 'ia, s'agattana simizzentes o sono gales. Suztediat sa matessi cosa cando sos poetas in palcu cantaana in poesia piu o mancus cun faeddos chi tottus connoschiana; e su traggiu e sutta fit sempre su logudoresu.
Com' eo narzo: a taulinu si podet faghere tottu su chi creimus, ma su chi si pratigat est attera cosa; e de su chi restat de peraulas chi no' si siene ammasedadas dae "s'evolussione " de sa modernidade, penso chi siet su casu de las ponnere a fruttu sisse s'at su bonu sensu e sa pratica in su 'e las connoschere a beru 'eru. Sisse 'asi no' est nde essit unu limbazzu che cussu de Antoni Abbogu chi faghiat fadiga a si faghe' cumprendere finzas che dae sa mama.
In attera manera no' podimus ponnere a banda su fattu chi sas nostras peraulas, primmu ancora 'e peraulas, sun cosas; e subra a cussas cosas naschidos sunu sos modos de narrere, dia esse' a narrere sas "allegorias" chi 'spriccana pius de cantu no' si pensede in Italianu ( porcheddhinu ... o sardu porcheddhinu ). Tambene oe cussas cosas che sono cabuladas cun su connottu 'e sos massaios e des sos pastores; e chie est chi bi las ammentat a sos pizzinnos pro cumprendere da ue naschene cuddos modos de narrere ?!?
Mahh ... s'algumentu est longu e bi diat cherrere tempus e impittu seriu pro si podet ispriccare in manera 'e si faghe' cumprendere.
E it'hamus a narrere ancora ... lassamus tottu a s'ispera ch'handet bene.
A mezzus biere
Gigi Angeli"
|
|
|
|
| |
| Links Correlati |  |
| Giudizio | |
| Opzioni | |
|
