Torna alla homepage del Istituto di Istruzione Superiore "M.Paglietti"!

     IIS Paglietti
IISPAGLIETTI

     Menų Principale
· Home
· Archivio
· Argomenti
· Calendario eventi
· Documenti
· Download
· Invia articolo
· Top 10

     Calendario
<
Dicembre 2018
>
DLMMGVS

1
2345678
9101112131415
16171819202122
23242526272829
3031

     Prossimi impegni

     Seleziona lingua



 MA A CHINI SES NARENDI "BONU TRABALLU"?!

articoli in lingua sardabocciuola ha scritto: "Ma ita at a essi custa moda noa de nai "bonu traballu" in sardu? Ita ddis at a parri deu no ddu cumprendu. Giai est lčgiu in italianu "buon lavoro" figuraissė in sardu, antzis a dda contai giusta cun su sardu no nc'apicėgat prōpiu nudda.

Craru chi est una tradusidura de s'italianu e finas a innoi pagu mali ma su malu est ca traixit su spėritu de sa lėngua sarda in totu e po totu. Custa frāsia dda impčrant māssimu is chi su sardu ddu fučddant pagu e s'arrexoni est fācili a dda spranai puru. Candu mai unu sardu, si est sardu e si est bonu, iat a nai a un'atru sardu una cosa aici?! A ddi nai "bonu traballu" a unu sardu bolit nai a ddu frastimai, candu mai su traballu est stčtiu bonu po is Sardus?! Su traballu est stčtiu sčmpiri sacrifėtziu, penas e finas dolori, sceti chi unu ti bolit mali podit pensai de t'agurai de andai a traballai!
Su andai a traballai fiat una cundenna, "Piga su picu e bai a traballai" nārat sa cantzoni e a chini prus si nd'iat a essi sfranchiu cun meda prexeri de cust'ōbrigu. Una cosa prus atesu de s'ānima de sa lėngua sarda pensu chi no dda potzaus agatai.
Custu contu mi ndi subenit un'atru chi m'iat contau un'amiga mia, anca su babu no cumprendiat ita fessit totu custu spčddiu de is "escursionis". Po issu su sartu e su monti fiant logus de traballu e no logus de si depi spassiai e aici etotu su traballu est unu logu de tribulias e de matanas po su Pōpulu Sardu, e no una cosa "bona" de augurai a calencunu, assumancu fintzas a oi.
Craru puru chi unu manera de fueddai diaici dexit de prus a unu milanesu chi no a unu sardu, ma cumenti nd'eus betiu totu is modas de continenti, nd'eus betiu custa puru.
Totuna cosa is saludus de is Sardus! Saludus arreligiosus, "Baxei cun Deus", "Abarrai cun sa Mama", e no sceti "A si biri mellus", "A atras bortas cun saludi", "A si torrai a biri sanus e allirgus" fintzas a unu bellu "Spassiadė!" chi po sorti manna nosta, apodčrat ancoras contras a s'invasioni de is bonus traballus. Fintzas a custus fenomenus de milanesizatzioni de bonus traballus no ndi chistionāt nemus, fortzis ca de traballus bonus pagu si nd'agatānt, totus s'augurānt cosa bella e bona, su traballu fiat atra cosa.
Lassendi su brullai, si est berus chi is chi impčrant custa forma de saludu funt is fueddantis nous de sa lėngua, chi funt un'arrichesa manna po totu is lėnguas minoritārias e deu puru mi nci pongu in mesu, deu m'auguru chi custus piciocus scipiant allogai assumancu unu pagheddu de su spėritu de sa lėngua sarda chi cun su "bonu traballu" milanesu nc'ėntrat pagu.
Totu custu sceti po podi arrexonai de sa parti prus importanti de una lėngua, sa manera sua, nosta, de castiai is cosas de su mundu.
A ųrtimu, torrendi a sa brulla, unu sinnali de sa "decadčntzia de is tempus", s'atra di' apu intčndiu a unu piciocu frastimendi a un'atru e dd'at nau: "Pirla!"...

is4morus "



 
     Links Correlati
· Altre informazioni articoli in lingua sarda
· News by amministratore


Articolo più pių letto articoli in lingua sarda:
MA A CHINI SES NARENDI "BONU TRABALLU"?!


     Giudizio
Voto medio: 5
Voti: 1


Se hai un'attimo di tempo, scegli un voto per questo articolo:

Eccellente !
Molto bene!
Bene!
Cosė cosė
Male



     Opzioni

 Pagina Stampabile  Pagina Stampabile

 Invia questo Articolo ad un Amico  Invia questo Articolo ad un Amico






Questo sito č conforme al Decreto legislativo n.33/2013
Questo portale č open source -per contattare l'Amministratore clicca qui

scaricabile da: PHP-Nuke. All Rights Reserved. PHP-Nuke is Free Software released under the GNU/GPL license.
Generazione pagina: 0.363 Secondi